"Intelektualët" rikthehen pranë Dritës, shikoni se çfarë bëjnë ata (VIDEO)

Drita po bëhet gati për njërën nga sfidat më të rëndësishme në histori të klubit. Të enjten në stadiumin "Fadil Vokrri" në Prishtinë, gjilanasit luajnë kartën e fundit për një biletë që dërgon në finale të kualifikimeve në UEFA Conference League, njofton Klankosova.tv. Për ta mbështetur skuadrën në ballafaqimin ndaj FK Audas, tifozët e tre herë kampionit të Kosovës kanë paralajmëruar udhëtim masovik drejt kryeqytetit. Kjo do të jetë hera e parë që 24 Prilli, që "Intelektualët" kthehen në tribunë, në mbështetje të ekipit të zemrës. Kjo meqë pas ndeshjes së vlefshme për Kupën e Kosovës, ku Drita u mposht nga Prishtina, kishte një mal të tërë ndasish mes klubit dhe tifozëve, por duket që pesha e duelit evropian ka bërë që ato të tejkalohen, të paktën në këtë fazë ku skuadra gjendet, raporton KlanKosova.tv. Tifozët 'bardhë e kaltër' kanë ditur në të kaluarën që të krijojnë atmosferë fantastike në Prishtinë, sa herë kanë udhëtuar për ta përkrahur Dritën. Ndeshja e kthimit në kuadër të rrethit të tretë eliminator në UECL, ndërmjet Dritës dhe Audës, zhvillohet më 15.08.2024 dhe fillon në orën 20:00. Përballjen e parë në Letoni e fituan vendasit 1-0. Skuadra që e kalon turin, lufton në Play-Off për një vend në fazën e grupeve. https://www.youtube.com/watch?v=p9aEj8y1Brw