Inflacioni në Serbi shkon në 15.8 përqind

Inflacioni në Serbi, sipas të dhënave të Institutit të Statistikave, është regjistruar prej 1.4 përqind gjatë muajit janar. Krahasuar me një vit më parë, norma e inflacionit është më e lartë për 15.8 përqind, ka njoftuar banka kombëtare e këtij vendi. Gati dy të tretat e inflacionit lidhen me rritjen e çmimit të ushqimit dhe energjisë. Çmimet e ushqimit dhe pijeve joalkoolike sipas të dhënave zyrtare, janë rritur për 23.7 përqind. Kjo rritje është rezultat i faktorëve të furnizimit në të cilët politika monetare ka pasur efekt të limituar.