Infermierja e vaksinuar kundër COVID-19 flet rreth kësaj përvoje (VIDEO)

Infermierja Lindita Istrefi gjatë ditës së djeshme ka përfunduar ciklin e vaksinimit kundër pandemisë COVID-19. Istrefi dozën e parë të vaksinës AstraZeneca e mori në Kukës të Shqipërisë ndërsa të dytë në Prishtinë, njofton klankosova.tv Të gjithë përvojën e vaksinimit infermierja e ndau në Sytë 7 në Klan Kosova. “Procesi ka shkuar shumë mirë dhe organizimi ka qenë i mirë ndërsa unë kam shkuar vullnetarisht për tu vaksinuar”. “Nuk kam pasur asnjë efekt anësor kam qenë mirë edhe pas vaksinimit e njësoj ndihem edhe sot. Një pjesë e madhe e kolegëve që jemi vaksinuar për të njëjtën ditën kanë qenë mirë ndoshta një numër i vogël i tyre kanë pasur ndonjë simptomë si dhimbje trupi por jo ndonjë telash të madh”. “Nuk ka pasur hezitim për tu vaksinuar nga reparti i “Gjinekologjisë” ku punojë si jemi njoftuar menjëherë kemi pranuar dhe me gjithë vullnetin dhe dëshirën kemi shkuar për tu vaksinuar”. “Dje e kam marrë dozën e dytë dje dhe po ndihem mirë dhe jam e lumtur që jam vaksinuar me të dy dozat kundër COVID-19”, tha Istrefi. Më poshtë mund të ndiqni intervistën e plotë të Istrefit të realizuar me gazetarin Florent Zeqaj.