Indiani zhvarros motrën – e çon skeletin e saj në bankë për t’ua vërtetuar se është e vdekur

Një fshatar në Indi e çoi kufomën e motrës së tij në një bankë pasi e kishte zhvarrosur në mënyrë që ta vërtetonte se ajo kishte vdekur. Këtë veprim të pazakontë, ai e bëri banka i kishte thënë vazhdimisht se nuk mund të tërhiqte para pa qenë e pranishme motra e tij. Incidenti ndodhi në degën Maliposi të Bankës Odisha Grameen në distriktin Keonjhar, në shtetin lindor indian të Odishës. Rrjetet televizive transmetuan pamje të burrit që mbante atë që dukej të ishte një kufomë pjesërisht e mbështjellë me plastikë, me këmbë skeletore të dukshme dhe të varura mbi shpatull. “Kjo krijoi një situatë shumë shqetësuese në ambientet e bankës”, tha banka. Burri, i identifikuar si Jeetu Munda, kishte tentuar për javë të tëra të hynte në rreth 19,300 rupi indiane nga llogaria e motrës së tij të madhe, Kalra Munda, e cila vdiq në janar pas një sëmundjeje. Ai tha se i ishte thënë vazhdimisht të sillte personalisht mbajtësen e llogarisë, edhe pasi i kishte shpjeguar se ajo kishte vdekur. Sipas raportimeve, stafi i bankës i tha Jeetu-t se duhej të paraqiste dokumente zyrtare, siç është një certifikatë vdekjeje, përpara se të mund të liroheshin paratë. Megjithatë, ai dyshohet se pati vështirësi në kuptimin e procesit dhe nuk arriti të siguronte dokumentacionin e kërkuar, shkruan Daily Mail, transmeton Klankosova.tv.