Lajmet e fundit
Sipas organizatës ndërkombëtare të shoqërisë civile “World Justice Project”, Shqipëria ka rënë me tre vende në Indeksin e Sundimit të Ligjit për vitin 2022.
‘World Justice project’, e cila merr në analizë ecurinë në 140 vende të botës të disa prej aspekteve të rëndësishme të funskionimit të shtetit, në indeksin e publikuar e rendit Shqipërinë në vendin e 87, tre vende më poshtë se vitin e shkuar.
Renditja përcaktohet nga faktorë të rëndësishëm, të lidhura ngushtë me ligjin dhe të drejtën. Faktor i rëndësishëm është “Mungesa e kompetencave të qeverisë”,ku përfshihet edhe liria e shtypit, e ku Shqipëria renditet e 105-ta mes 140 vendeve, raporton Top Channel, transmeton KlanKosova.tv.
Sa i përket mungesës së korrupsionit, Shqipëria renditet në vendin e 107, ndërkohë që një vit më parë renditej e 105-ta.
Në transparencën e qeverisë, Shqipëria ka bërë “2 hapa” para, duke u renditur e 84-ta, ndërkohë që një vit më parë ishte në vendin e 82-të.
Treguesi tjetër, se sa respektohen të drejtat sipas ligjeve kombëtare dhe konventave ndërkombëtare të njerëzve, Shqipëria renditet e 63-ta nga vendi i 62-të që kishte në vitin 2021.
Sa i përket faktorit tjetër të rëndësishëm, rendi dhe siguria, Shqipëria renditet në vendin e 50 nga i 47 që ishte një vit më parë.
Kurse sa i takon zbatimit të rregulloreve, Shqipëria zë vendin e 112 ndërkohë që në vitin 2021 ishte në vendin e 107.
Për drejtësinë civile, Shqipëria rendit në vendin e 98-të, teksa një vit më parë në vendin e 92-të, ndërsa për drejtësinë penale renditet në vendin e 81-të, nga 82 që ishte në vitin 2021,
