Ilir Meta uron Ditën e Pavarësisë nga qelia

Presidenti i Partisë së Lirisë, Ilir Meta, ka uruar nga qelia  Ditën e Pavarësisë së Shqipërisë . Përmes një postimi në Facebook, Meta thekson se kremtimi i 112-vjetorit të Pavarësisë na fton të bashkohemi në mbrojtje të lirisë dhe vlerave kombëtare, njofton Klankosova.tv. Ai shtoi se shqiptarët duhet të tregojnë vendosmëri dhe patriotizëm të lartë për realizimin e aspiratës për ta bërë Shqipërinë si gjithë Europa. "Të dëshmojmë vendosmërinë e palëkundur, mençurinë dhe patriotizmin më të lartë për mbrojtjen e këtyre idealeve e vlerave, si dhe në përmbushjen pa vonesë të aspiratës popullore dhe misionit të nisur në 28 nëntor 1912, nga Ismail Bej Vlora dhe gjithë etërit e Pavarësisë, për ta bërë Shqipërinë si gjithë Europa".