IKSHPK nuk kryen sot testime kundër COVID-19 dhe as analiza të tjera (VIDEO)

Edhe Instituti Kombëtar i Shëndetësisë Publike të Kosovës i është bashkangjitur grevës tetë orëshe të punëtorëve shëndetësorë. Punëtorët e këtij institucioni nuk po kryejnë teste për COVID-19 dhe as nuk po marrin mostra për analiza të tjera, njofton Klankosova.tv. Federata e Sindikatave të Shëndetësisë së Kosovës ka njoftuar se si pasojë e mospërgjigjes nga ana e Qeverisë, sot do të mbahet grevë në institucionet shëndetësore, nga ora 7 deri në orën 15. Mirëpo janë zotuar se do të ofrohen shërbime për rastet emergjente.