IKSHPK: Kini kujdes se mund të shkaktoni shpërthim epidemik

Instituti Kombëtar i Shëndetësisë Publike të Kosovës i ka ngushëlluar familjarët dy personave që ndërruan jetë sot si pasojë e koronavirusit. Ky institut iu ka bërë apel qytetarëve që t’u përmbahen rekomandimeve dhe mos të dalin në grumbuj gjatë orëve të lira të lëvizjes sepse kështu janë duke e rrezikuar veten dhe familjet e tyre, njofton Klan Kosova. “Shikoni ju lutem valën epidemike në shtetet e Europës, veni gishtin në kokë dhe mendoni. Mos pengoni ekipet e Institutit me pyetje të cilat i keni mësuar tashmë nga rekomandimet e Instituti Kombëtar dhe Ministrisë së Shëndetësisë”. “Na ndihmoni ta kryejmë punën sublime dhe mundohuni të zbatoni secili detyrën e juaj duke ruajtur shëndetin tuaj. Ju kemi lënë të pushoni dhe jo secili të marr detyrën e epidemiologut duke pyetur detaje, duke u munduar të rikonstruktojnë çdo vatër infeksioni, duke u zhytur në kureshtjen e njohjes së çdo procedure të hulumtimit”. Më poshtë mund ta lexoni shkrimin e plotë të IKSHPK-së: Qytetarë të dashur! Ju lutemi ti përmbaheni rekomandimeve të Institutit Kombëtar dhe mos dilni në grumbuj gjatë orëve të lira të lëvizjes sepse jeni duke rrezikuar veten dhe Familjet e Juaja! Sot edhe dy raste fatale me COVID-19! Ngushëllime Familjeve! Të nderuar familjarë të të moshuarve: Ju lutemi kujdesuni për më të dashurit tuaj të moshuar dhe për nevojat e tyre, duke u siguruar që të mos dalin nga shtëpia! Në Evropë kanë vdekur më shumë se 50.000 njerëz! Në Prishtinë, po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve! Ju lutem kini kujdes se mund të shkaktoni shpërthim epidemik në kryeqytet! Në Brezovicë e Prevallë janë mbledhur grumbuj të njerëzve! Kjo është e rrezikshme! Virusi nuk ka këmbë! Mos ia jepni këmbët ju! Ju lutemi! Shikoni ju lutem valën epidemike në shtetet e Europës, veni gishtin në kokë dhe mendoni. Mos pengoni ekipet e Institutit me pyetje të cilat i keni mësuar tashmë nga rekomandimet e Instituti Kombëtar dhe Ministrisë së Shëndetësisë. Na ndihmoni ta kryejmë punën sublime dhe mundohuni të zbatoni secili detyrën e juaj duke ruajtur shëndetin tuaj. Ju kemi lënë të pushoni dhe jo secili të marr detyrën e epidemiologut duke pyetur detaje, duke u munduar të rikonstruktojnë çdo vatër infeksioni, duke u zhytur në kureshtjen e njohjes së çdo procedure të hulumtimit. Pushoni dhe vetëm pushoni që të na lini të punojmë! Ju gjendeni në shtëpitë e juaja me familjar. Ne gjendemi në punë pa orar nga 15-20 orë! Për ju! E ju për ne. Për t’u informuar më shumë rreth pasojave nga koronavirusi në Kosovë, klikoni në linkun e mëposhtëm. https://klankosova.tv/dy-te-vdekur-nga-covid-19-ne-kosove7/

klankosova.tv