IKD dorëzon kërkesë për debat parlamentar mbi moszbatimin e të drejtës për pension të moshës

Ehat Miftaraj nga Instituti për Drejtësi në Kosovë, ka njoftuar se ka dorëzuar sot zyrtarisht kërkesën për inicimin e një debati parlamentar ndaj Kryetares të Kuvendit të Kosovës, Albulena Haxhiu si dhe Kryetarëve të Grupeve Parlamentare.

Kjo kërkesë siç shkruan Miftaraj në Facebook,  synon inicimin e një debati parlamentar lidhur me moszbatimin e legjislacionit pozitiv për realizimin e të drejtës për pension të moshës, krahas pensionit dhe beneficioneve të përcaktuara me ligjin për kategoritë e dala nga lufta.

Duke pasur parasysh që ky është një problem sistemik, duke pasur parasysh që Kuvendi i Kosovës, ekzekutivi, nuk duhet me e pa normën ligjore vetëm kështu abstrakte dhe strikte për zbatimin e asaj, por ta shoh edhe dimensionin social të kësaj norme, ne kërkojmë që të zhvillohet një debat parlamentar brenda dy, tre ose tre javëve, ose brenda një muaji, në mënyrë që Ministria e Financave, Punës dhe Transfereve, tashmë si Ministri vetëm e Financave, dhe Ministria e Punës, të nxirret një rezolutë përmes të cilës Kuvendi i Kosovës tregon për cilat arsye nuk është nxjerrë ky akt nënligjor që e realizon këtë të drejtë për përfitim të pensionit të dyfishtë, për pasojat juridike, sociale dhe financiare të këtij mosveprimi dhe për nevojën për veprim urgjent të Ministrisë së Financave, Punës dhe Transfereve, në këtë rast Ministrisë së Financave”, tha Naim Jakaj.