Lajmet e fundit
Zyra e Departamentit të Thesarit të ShBA-së për Kontrollin e Pasurive të Huaja (OFAC) ka sanksionuar një rrjet prej dy individësh dhe shtatë subjektesh që ofrojnë burime kryesore të të ardhurave për presidentin e sanksionuar nga ShBA-ja të Republika Sërpskas Millorad Dodik dhe familjen e tij.
Dodiku, sipas njoftimit nga Thesari Amerikan, ka përdorur pozicionin e tij zyrtar për të grumbulluar pasuri personale përmes kompanive të lidhura me të dhe me Igor Dodikun.
“Për shembull, në vitin 2024, Igor dhe Dodik ushtronin kontrollin e tyre mbi zyrtarët e lartë të qeverisë së Bosnjë dhe Hercegovinës (BeH) për të manipuluar projekt-buxhetin e shtetit të BeH në mënyrë që një kontratë në nivel shtetëror t’i jepej ‘Prointer ITSS d.o.o. Banja Luka Clan Infinity International Group’—një entitet pjesë e rrjetit—jashtë procesit konkurrues”.
“Shtetet e Bashkuara dënojnë përpjekjet e vazhdueshme të Dodikut për të gërryer institucionet që kanë siguruar paqen dhe stabilitetin për Bosnjë dhe Hercegovinën dhe rajonin”, tha nënsekretari i Thesarit për Terrorizmin dhe Inteligjencën Financiare, Brian E. Nelson. “Ne do të vazhdojmë të ekspozojmë skemat mashtruese që i mundësojnë Dodikut dhe familjes së tij të shfrytëzojnë njerëzit e tyre për përfitimin e tyre personal”.
Në njoftimin e Thesarit thuhet se Dodiku, jo vetëm që grabit popullin e BeH përmes sjelljes së tij korruptive, por gjithashtu kërcënon sigurinë e tyre nëpërmjet kërcënimeve të tij të përsëritura për të ndjekur shkëputjen e RS nga BeH.
Njoftimi i kohëve të fundit i Dodikut për një vendim zyrtar për të propozuar “shkëputjen” e RS nga BeH, sipas Thesarit Amerikan, është një vazhdimësi e aktivitetit flagrant kundër Marrëveshjeve të Paqes të Dejtonit dhe kërcënon paqen dhe stabilitetin e rajonit.
“Nëpërmjet korrupsionit dhe retorikës së tij secesioniste, Dodiku vazhdon të minojë institucionet e BeH dhe të pasurojë familjen e tij në kurriz të popullit, duke rrezikuar më tej të ardhmen e BeH në institucionet euro-atlantike”, theksohet në njoftimin zyrtar të Thesarit amerikan.
Më 5 janar, 2022, ShBA-ja e sanksionoi Dodikun si përgjegjës ose bashkëpunëtor, ose i përfshirë direkt ose indirekt në një shkelje ose një akt që ka penguar ose kërcënuar zbatimin e Dejtonit, si dhe për veprimtari korruptive.
Edhe më 17 korrik, 2017, Shtetet e Bashkuara e sanksionuan Dodikun për pengim ose kërcënim për pengim të Dejtonit.
“Për më tepër, Shtetet e Bashkuara sanksionuan fëmijët e rritur të Dodikut, Igor dhe Gorica Dodik, më 20 tetor 2023 në përputhje me E.O. 14033 për ndihmën materiale, sponsorizimin ose ofrimin e mbështetjes financiare, materiale ose teknologjike për, ose mallra ose shërbime ose në mbështetje të Dodikut, një personi, pronat dhe interesat e pronës së të cilit janë bllokuar”, ka theksuar më tej njoftimi.
Dodiku, thotë Thesari amerikan, përdori pozicionin e tij zyrtar për të drejtuar kontratat e qeverisë së RS në një rrjet kompanish private që ai dhe Igori mbikëqyrin. Ndërsa Igori kontrollon shumë prej kompanive në këtë rrjet, ai e turbullon lidhjen e tij personale me kompanitë duke u mbështetur në pronarë dhe drejtorë nominalë të veçantë. “Infinity International Group d.o.o. Banja Luka (Infinity)” është një kompani holding në BeH që drejtpërdrejt ose indirekt zotëron ose është pronari i shumicës së të paktën pesë kompanive të tjera me bazë në BeH: Prointer ITSS d.o.o. Banja Luka Clan Infinity International Group (Prointer), Kompania Kaldera El PGP d.o.o. (Kaldera), Infinity Media d.o.o. (Infinity Media), K-2 Audio Services Banja Luka d.o.o. (K-2), dhe Una World Network d.o.o. (Una).
Për më tepër, gjithnjë sipas Thesarit amerikan, Sirius 2010 d.o.o. Banja Luka (Sirius) është një kompani e teknologjisë së informacionit (IT) që operon brenda rrjetit të familjes Dodik. Së bashku me Prointer dhe Kaldera, Sirius është i njohur në BeH për kontratat fitimprurëse të qeverisë. Së bashku, Prointer dhe Sirius ofrojnë mallra dhe shërbime IT për organizatat në të gjithë qeveritë e RS dhe BeH, ndërsa Kaldera operon kryesisht në sektorin e inxhinierisë. /Klankosova.tv
