Ia lyen derën me benzinë, gazetari Tozaj rrëfen kërcënimet: Nuk jam më i sigurt për jetën (VIDEO)

Gazetari Elton Tozaj, i cili vetëm një muaj më parë u rrah brutalisht, ka bërë të ditur se kërcënimet ndaj tij nuk kanë të ndalur. Në emisionin “Kosova Today” në Klan Kosova, ai deklaroi se tashmë nuk ndihet i sigurt as për jetën e tij dhe as për atë të nënës së tij, duke shtuar se shtëpia e tij është sulmuar me lëndë djegëse. “Nuk jam më i sigurt për jetën, mund ta them me gojën plot. Nuk e di edhe sa do të zgjasë kjo gjë dhe nuk kam siguri as unë, as mamaja ime. Njëherë më hodhën në rrugë si të vdekur, ndërsa tani po sulmohet shtëpia ime me lëndë djegëse. Kjo do të thotë se kjo situatë jo vetëm që nuk ka të ndalur, por duket se duan ta çojnë deri në fund atë që kanë nisur”, tha Tozaj. Ndiqeni të plotë, në videon vijuese: https://youtu.be/aYT1dNciN3Q