I vodhi 400 euro nga çanta një gruaje dhe e shkel me veturë gjatë ikjes

Një grua në fshatin Sllatinë të Fushë Kosovës ka raportuar se nga një burrë që e kishte njohur në rrjete sociale i është vjedhur çanta me 400 euro.

Siç bëhet e ditur nga polica, i dyshuari gjatë ikjes nga vendi i ngjarjes e kishte shkelur viktimën me veturë, njofton Klankosova.tv.

“Fshati Sllatinë, Fushë Kosovë 22.03.2023 – 21:00. Viktima femër kosovare ka raportuar se derisa ishte duke qëndruar në një lokal me një person të dyshuar të cilin e kishte njohur përmes rrjeteve sociale i njëjti ja kishte vjedhur nga çanta rreth 400 € para kesh. Gjatë ikjes nga vendi i ngjarjes i dyshuari e kishte shkelur me veturë viktimën duke i shkaktuar lëndime trupore. Viktima është dërguar për trajtim mjekësor në QKUK. Rasti në hetime”, thuhet në raportin 24 orësh të policës.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.