I veshur me veshje kombëtare e plis, 70-vjeçari çon mesazh: Liri për çlirimtarët

Një 70-vjeçar nga Peja është nisur për të marrë pjesë në marshin “Drejtësi, jo politikë” që do mbahet nga ora 14:00 në sheshin “Skënderbeu” në Prishtinë. Ai për Klan Kosova, ua përçoi një mesazh të gjithë shqiptarëve, që të ngritin zërin për lirimin e luftëtarëve të lirisë, transmeton Klankosova.tv. “Kërkesa ime është kërkesë gjithëkombëtare shqiptare që ne e ngrisim zërin të bashkuar, unik, që t’i mbrojmë të drejtat tonë kombëtare shqiptare. E drejta jonë kombëtare është lirimi i udhëheqësve të Ushtrisë Çlirimtare të Kosovës, që janë luftëtarët e lirisë që ne e gëzojmë sot”, tha ai.