Lajmet e fundit
Kompania “Asda” ka tërhequr nga tregu pelenat për foshnjat e porsalindura, pas një ankese nga një prind, se fëmija i tij kishte përjetuar një reaksion kimik ndaj këtij produkti.
Jordan Bartliff nga Yorkshire ka postuar disa fotografi shokuese të fëmijës së tij, ku shihet lëkura e skuqur dhe e irrituar.
Ai ka thënë që fëmija i tij ka përdorë këto pelena për tre javë dhe se nuk është alergjik, mirëpo ka pësuar një reaksion kimik, që e kishte lënë pa oksigjen.
I biri i Bartliff tashmë është transferuar në spitalin në Sheffield, për të marrë tretmanet e nevojshme.
Ndërsa nga kompania Asda kanë thënë që produkti është larguar nga tregu si masë parandaluese.
“Zemrat tona janë me familjen Bartliff dhe shpresojmë që foshnja të rikuperohet sa më shpejt. Ne jemi në kontakt me babin e tij dhe kemi mbledhur pelenat që t’i krahasojmë me paketimet e tjera. Ne marrim përgjegjësinë tonë ndaj prindërve shumë seriozisht dhe si masë parandaluese kemi larguar nga tregu pelenat “Little Angles” deri sa të kuptojmë se çfarë ka ndodhur”, është thënë nga kjo kompani.
