I përkeqësohet gjendja Nexhmije Pagarushës – dërgohet në Emergjencë

Nexhmije Pagarushës, ikonës së këngës shqipe iu është përkeqësuar gjendja shëndetësore. Ajo është dërguar sonte në Emergjencë të Qendrës Klinike Universitare të Kosovës, njofton Klan Kosova. Lajmin për klankosova.tv e ka konfirmuar edhe Shpend Fazliu, zëdhënësi për media i QKUK-së. "Zyra e informimit QKUK, ju konfirmon se pacientja N.P, ka kërkuar ndihmë mjekësore si pasojë e lëndimeve që ka marrë në shtëpi". "Është dhënë ndihma mjekësore në kuadër të klinikës emergjente dhe është jashtë rrezikut për jetë. Janë duke vazhduar ekzaminimet tjera diagnostike në kliniken e radiologjisë në QKUK", ka thënë Fazliu për Klan Kosova.

klankosova.tv