I konfiskohet patentë shoferi kundërvajtësit që tejkaloi në vijë të plotë

Drejtoria Rajonale Gjilan, falë bashkëpunimit të një qytetari i cili në e-mail adresën zyrtare të Policisë së Kosovës ka dërguar një fotografi në të cilën shihet një vozitës me kamionin e tij duke tejkaluar në vijë të plotë me të cilat veprime ka rrezikuar pjesëmarrësit e tjerë në komunikacion dhe ka rënë ndesh me rregullat e trafikut. Njësiti Rajonal i Komunikacionit Rrugor Gjilan përmes veprimeve operative ka arritur që të identifikojë kundërvajtësin ndaj të cilit ka shqiptuar gjoba në vlerë prej 150 eurosh, dy pikë negative, konfiskuar patentë shoferin dhe masa e përkohshme e ndalim vozitjes në afat prej tre muaj, transmeton Klan Kosova. “Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001”.

klankosova.tv