I kërkuar nga Danimarka për vrasje me pagesë, ky është kosovari që u kap në Prishtinë

Një person i kërkuar nga autoritet e Danimarkës si i dyshuar për vrasje është arrestuar sot në Prishtinë, në një aksion të FAST Kosova. Lajmin e ka konfirmuar edhe zëdhënësi i Policisë së Kosovës, Daut Hoxha. Ndërsa Klankosova.tv ka mësuar se i prangosuri është Liridon Fetahu. Operacioni policor u zhvillua në bashkëpunim me Prokurorinë Speciale. "Sot, më 23.03.2026, në Prishtinë, Policia e Kosovës, pas një pune operative në terren, përkatësisht njësia FAST Kosova, në bashkëpunim me njësitë policore të rendit publik dhe Njësinë për Reagim të Shpejtë (NJRSH), ka realizuar me sukses arrestimin e një shtetasi të huaj të kërkuar nga autoritetet nderkombetare për veprën penale vrasje. Arrestimi është kryer në bazë të një letër-rreshtimi ndërkombëtar (Red Notice), të lëshuar nga autoritetet e INTERPOL-it të Danimarkës. Rasti është duke u trajtuar në koordinim të ngushtë me Prokurorinë Speciale të Republikës së Kosovës, ndërsa autoritetet kompetente janë duke ndërmarrë veprimet e mëtejme ligjore në përputhje me procedurat në fuqi. Policia e Kosovës mbetet e përkushtuar në luftimin e krimit të organizuar, si dhe bashkëpunimin ndërkombëtar për garantimin e sigurisë së pergjithshme", deklaroi Hoxha. https://klankosova.tv/aksion-i-madh-policor-ne-prishtine-arrestohet-vrasesi-i-kerkuar-nderkombetarisht1111/