Lajmet e fundit
Një shofer ka humbur jetën pasi u përplas në portën e Shtëpisë së Bardhë, të shtunën mbrëma.
Përplasja fatale po hetohet "vetëm si një aksident trafiku" dhe nuk kishte asnjë kërcënim për rezidencën e presidentit, thanë autoritetet, transmeton Klankosova.tv
Shoferi mashkull, identiteti i të cilit ende nuk është bërë publik, u gjet i vdekur në automjet pas përplasjes pak para orës 22:30.
Departamenti i Policisë Metropolitane të Uashingtonit tha se automjeti u përplas me një pengesë sigurie në kryqëzimin e Rrugës 15 dhe Pensilvanisë Avenue NW.
