Lajmet e fundit
Ministria e Punëve të Brendshme e Maqedonisë së Veriut njofton se një shofer 39-vjeçar ka humbur jetën në një aksident në autostradën Shtip-Koçan.
Ndërkohë pasagjerja dhe dy fëmijët e mitur për shkak të lëndimeve të marra janë dërguar në Spitalin klinik të Shtipit, raporton alsat-m, transmeton Klankosova.tv.
“Aksidenti ka ndodhur në ora 02:24, në afërsi të kryqëzimit të fshatit Krupishtë dhe sipas informacioneve fillestare në aksident është përfshirë vetëm një veturë. Një veturë tip Renault 'Laguna' me targa të Shkupit ka dalë nga rruga, ndërsa nga lëndimet e marra ka ndërruar jetë shoferi I.M nga Shkupi. Hetimet për aksidentin janë duke vazhduar”, thuhet në njoftim.
Pesë persona kanë humbur jetën në këtë autostradë që nga fillimi i vitit në tre aksidente të rënda.
