Humb jetën aksidentalisht një 45-vjeçar në Maliq, i shkrepi arma duke e pastruar

Policia e Shtetit ka bërë të ditur se një person ka humbur jetën aksidentalisht në Maliq, pasi dyshohet se duke pastruar armën, ajo ka shkrepur gabimisht. “Mbrëmjen e sotme, në fshatin Zëmblak, Maliq, në banesë, shtetasi T. M., rreth 45 vjeç, duke pastruar armën e gjahut (të cilën e posedonte me leje) dyshohet se arma është shkrepur aksidentalisht dhe për pasojë ky shtetas ka humbur jetën", thuhet në njoftimin e policisë, përcjell Klankosova.tv. Grupi hetimor po punon për sqarimin e plotë të rrethanave të ngjarjes.