Huliganët e “Zvezdës” me koreografi skandaloze për terroristin e Banjskës

E mërkura mbrëma ishte e rezervuar për ndeshjet e futbollit në kuadër të Ligës së Evropës. Në mesin e përballjeve është edhe ajo mes Cërvena Zvdezdës dhe Celticut që po luhet në Beograd. Me të filluar pjesa e dytë e ndeshjes, tifozët huliganë të ekipit serb, të njohur si “Delije”, kanë shfaqur një koreografi skandaloze, transmeton Klankosova.tv. Ajo iu kushtua terroristit të vrarë në aksionin e Banjskës më 24 shtator të vitit 2023, Stefan Nedelkoviq. Sipas mediave serbe, Nedelkoviq ka qenë pjesë e këtij grupi huliganësh. Veç kësaj koreografie skandaloze, në stadium është dëgjuar edhe një këngë nacionaliste serbe “Oj, Kosovo, Kosovo...”. Aktualisht, rezultati në minutat e fundit të ndeshjes është 1-1. /Klankosova.tv