Kuka: Dhuna ndaj portierit në ndeshje futbollistike, mesazh i keq për sportin në vendin tonë

"Diçka që duhet me urgjencë të dënohet dhe të luftohet në çdo sport dhe kundër çdo personi që pretendon të prish një garë sportive", ka thënë ai përmes një reagimi në Facebook, përcjell Klankosova.tv.

"Pardje isha në ndeshje futbolli U13 dhe tek fëmijët pash një korrektësi mes tyre,një rivalitet sportiv. Tregon punën e mirë dhe edukative të trenerëve.

Ndeshja ishte mes fëmijëve te ekipeve Peja dhe Shqiponja. Ne të tjerët të shohim ndeshje e mos ti prishim ëndrrat e fëmijëve tonë. Huliganët jashtë sportit, luftë e pakompromis kundër ngjarjeve të tilla", tha ai.

Ndryshe në javën e 27-të të Superligës, në ndeshjen Gjilani – Ballkani, thuajse në fund të takimit pas barazimit të rezultatit 1:1, nga portieri i ekipit të Gjilanit, tifozët vendas hyjnë në fushë duke e sulmuar portierin e ekipit nga Suhareka.