Allen: Vajzat më kanë ndihmuar për një gjë të rëndësishme

Lily Allen është protagoniste e kopertinës së numrit të fundit të revistës Stylist. Këngëtarja 34-vjeçare është po ashtu redaktorja mysafire e kësaj jave në këtë revistë dhe e ka kontrollin e plotë mbi çështjen. Ajo ka folur rreth asaj se si të qenit nënë e dy vajzave ia ka ndryshuar marrëdhënien e saj me gratë tjera. “Kur po rritesha, e kam pasur një marrëdhënie shumë të fragmentuar me babanë tim. Mënyra se si ai fliste me shokët e tij për gratë në përgjithësi ishte shumë nënçmuese aq sa përpiqesha të mos dukesha grua”, tha ajo. “Nuk është se lidhesha shumë me gratë dhe ndihesha xheloze rreth tyre. Më pas, kur u bëra me dy vajzat e mia, i kam thënë vetes: ‘OK, mendoj se tani duhet të fillosh t’i pëlqesh gratë Lily’. Vajzat e mia  kanë qenë bekim i plotë”.