Me kitarë në rrugë si Leonard Cohen, kështu fiton jetesën 68 vjeçari(VIDEO)

Aktivitetin muzikor e bën me kitarë në rrugë. Spartak Dishnica 68 vjeç kështu fiton para për të jetuar. Ushtria i dha të drejtën e mësimit të një vegle muzikore, por vetëm para dy vitesh 68 vjeçari, Spartak Dishnica pati kurajon të shfaqej para publikut në pedonale, me shtysën e shokëve. “Një ditë thashë do dal nesër, edhe dola. Do vini dhe ju të më dëgjoni atje, nëse unë e bëj këtë punë do më thoni pa hile, e bën dhe vazhdo, nëse jo më thoni se s’kam ndërmend të fëlliqem para njerëzve. Ata më thanë je shumë mirë, vazhdo”, tha Dishnica. Ai ka krijuar listen e vet të këngëve që i këndon. Në repertorin e vet ka edhe këngë në gjuhën angleze dhe italiane, shkruan top-channel.tv, përcjellë KlanKosova. “Punë, duhet shumë punë. Unë kur nxjerr fjalët e një kënge, rri 4-5 orë me kufje në vesh, dhe e studioj. Atë që këndon këngëtari, unë e shqipëroj dhe pastaj e lexoj, e lexoj, dëgjoj këngëtarin, e lexoj, që t’i afrohem sa më shumë këngëtarit”, tregon Spartaku, i cili thotë se kuptimin e teksteve të këngëve të tij nuk e di, ndonëse ka kuriozitet t’i përkthejë. “Me thënë të drejtën, përkthimin e teksteve nuk e di, por kurioz jam. Them t’i marr dhe t’i përkthej, ndoshta më bëjnë punë të mësoj pak dhe gjuhë. Këtu kam plot këngë, është një e Leonard Cohen që e kam shumë përzemër” Puna e palodhshme dhe zëri i veçantë i Spartak Dishnicës, e bën 68 vjeçarin të veçantë. https://www.youtube.com/watch?v=kDkPxgaA0gQ