Lajmet e fundit
Një hoxhë nga Peja ka shpërndarë disa pamje në rrjetin social Facebook të momentit kur atij iu kishte djegur vetura nga një person në lagjen Kapeshnicë në Pejë.
Momenti u xhirua nga kamerat e sigurisë.
Eroll Rexhepi thotë se ngjarja ka ndodhur sot rreth orës 03:07.
“Kërkoj me ngulm nga Policia e Kosovës, Prokuroria dhe akterët e rendit e sigurisë që sa më shpejt të zbulojnë nxitësin dhe kryesin e këtij akti qyqar!”, tha hoxha Eroll Rexhepi.
Rastin e ka konfirmuar edhe policia e Pejës përmes zëdhënësit Driton Rugova.
Rugova tha për Klankosova.tv se rasti është duke u hetuar si “zjarrvënie”.
“Me datë 08.03.2023, rreth orës 03:45, Policia është informuar se në rrugen " Rozafes" në Pejë, një veturë është përfshirë nga zjarri. Policia menjëherë ka dalë ne vendngjarje, gjithashtu edhe njësiti i zjarrfikësve të cilët kanë arritur ta shuajnë zjarrin. Rasti është duke u hetuar nga Policia, dhe është cilësuar si "Zjarrvënie"”, tha Rugova.
Rrini të informuar mbi zhvillimet kryesore duke u bërë pjesë e komunitetit tonë në Viber
