Hoxha: Trajneri na motivoi shumë dhe na tha se ishte një ndeshje shumë e mirë

Futbollisti i Kombëtares së Shqipërisë, Arbër Hoxha, e ka quajtur emocionale ndeshjen që patën sot me Serbinë në stadiumin “Air Albania”. Për Klan Kosovën, ai deklaroi se e bënë maksimumin ndonëse nuk arritën fitore. “Një ndeshje emocionale nga ana jonë, bëmë një ndeshje të mirë, i kishim rastet për ta fituar ndeshjen por nuk arritëm, bëmë maksimumin të gjithë lojëtarët ishim mirë fizikisht”. “Tash duhet të fokusohemi për ndeshjen e radhës, dhe besoj që jemi në lojë për një kualifikim në botëror”, u shpreh Hoxha. I njëjti shtoi se patën dëshirë që të fitojnë sot, dhe se tani u ka mbetur që të shikojnë përpara për ndeshjen e kthimit që do të luhet në Serbi. “Normal deshëm të fitojmë ndeshjen ajo nuk diskutohet, jemi futur maksimalisht, jemi përgatitur për ndeshjen gjatë gjithë javës. Trajneri na motivoi shumë dhe na tha se ishte një ndeshje shumë e mirë”, tha Hoxha. /Klankosova.tv