Hoti: Vaksinat kanë ardhur pas shumë angazhimeve të MSH-së

Ish-kryeministri i vendit, Avdullah Hoti, thotë se arritja e vaksinave anti-COVID është bërë pas shumë angazhimeve nga Ministria e Shëndetësisë. Hoti tutje thotë se IKSHPK-ja duhet shpejt t'i shpërndajë ato sipas strategjisë së imunizimit, ku përcaktohen prioritetet e vaksinimit, njofton Klan Kosova. "Arritja e vaksinave është lajm i mirë pas shumë angazhimeve nga Ministria e Shëndetësisë. Tani IKSHPK duhet shpejt t'i shpërndajë ato sipas strategjisë së imunizimit, ku përcaktohen prioritetet e vaksinimit. Falënderoj miqtë tanë për mbështetjen" është shprehur Hoti.