Holandezi Lindhout do të ndajë drejtësinë në ndeshjen Kosovë-Suedi

Sonte me fillim nga ora 20:45, Kosova do ta zhvillojë ndeshjen e radhës në kualifikimet për Kampionatin Botëror 2026. Në përballjen me Suedinë, e cila zhvillohet në "Fadil Vokrri" drejtësinë do ta ndajë holandezi Allard Lindhout. Asistentë të tij në këtë ndeshje do të jenë Rogier Honig dhe Johan Balder, ndërsa gjyqtar i katërt do të jetë Joey Kooij. Për sistemin VAR do të kujdeset Clay Ruperti me asistencë nga Jeroen Manschot, të gjithë nga Holanda. Delegat i UEFA-s për këtë takim është Patrick Duffy nga Irlanda, ndërsa vëzhgues i gjyqtarëve do të jetë Stavros Tritsonis nga Greqia. Kjo ndeshje pritet të jetë një test i rëndësishëm për "Dardanët", që kërkojnë kthimin në rrugën e fitoreve pas humbjes 4:0 nga Zvicra.