Historike, kryhet transplanti i parë i mushkërive nga dhurues të gjallë te një pacient me COVID-19

Një grua japoneze mushkëritë e së cilës ishin dëmtuar nga COVID-19, e ka pranuar atë që doktorët thonë të jetë transplanti i parë i mushkërive nga dhuruesit e gjallë për një pacient koronavirusi, shkruna The Independent. Spitali Universitar i Kijotos ka thënë që gruaja iu nënshtrua një operacioni 11 orësh nga një ekip prej 30 mjekësh këtë të mërkurë, pasi pranoi inde të mushkërive nga bashkëshorti dhe i biri i saj. COVID-19 njihet si shkaktar i dëmeve të mëdha në mushkëri te disa pacientë, dhe plot njerëz nga e mbarë bota kanë pranuar transplantim mushkërish si trajtim ndaj dëmeve të shkaktuara nga kjo sëmundje. Kirurgu torakal, Hiroshi Date, e udhëhoqi këtë operacion dhe tha që kjo jep shpresë për pacientët që vuajnë nga dëmet e mëdha të shkaktuara nga COVID-19. “E kemi demonstruar q tani kemi një opsion të transplantimit të mushkërive [nga dhuruesit e gjallë], ka thënë Date në një konferencë për media.