Historia e trajtimit në QKUK të pacientëve gjatë luftës publikohet në libër (VIDEO)

Historia e trajtimit në QKUK, të 789 pacientëve të plagosur gjatë kohës së luftës në Kosovë, është përmbledhur në një libër të sapo-botuar. Ky libër u realizua nga kirurgu Salih Krasniqi, njofton Klan Kosova. Ai ka theksuar se më e vështirë për mjekët kosovarë  ishte mjekimi i ushtarëve të UÇK-së, pasi atë botë cilësoheshin terroristë. Pacientët mjekimet e të cilëve i përshkroi në libër janë të gjithë shqiptarë e në mesin e të cilëve përveç ish-ushtarëve të UÇK-së kishte gra, pleq e fëmijë. Në librin voluminoz gjenden edhe rrëfime personale të keqtrajtimit të ushtarëve  që ishin pacientë të tij, diagnoza e pacientëve si dhe shkrime të botuara në medie vendore e ndërkombëtare  para 20 vjetëve për trajtimin që bëhej në këtë klinikë. Kronikë e zgjeruar nga gazetarja Mejreme Gashi. https://youtu.be/Paubz-xQw_I