Higuain merr milionat kompenzim nga Juventusi

Sulmuesi argjentinas Gonzalo Higuain, më në fund zgjidhi kontratën me Juventusin me marrëveshje të përbashkët, duke marrë një kompenzim prej 3,5 milionë euro. Largimi i tij erdhi pas katër vitesh në Torino, ku sulmuesi argjentinas shënoi 66 gola në 149 ndeshje dhe luajti gjithashtu me Milanin dhe Chelsean në huazim, pa arritur të shkëlqente në këto skuadra, transmeton klankosova.tv. Ky vendim erdhi edhe si pasojë e situatës financiare të klubit, i cili regjistroi një humbje prej 89,7 milionë eurosh për vitin 2020, ndërkohë që Higuain kishte një pagë të lartë prej rreth 8 milionë eurosh neto në sezon. Pak ditë më vonë, Higuain u bë lojtar i Inter Miami, ku deklaroi: ''Jam shumë i lumtur për këtë eksperiencë të re. Dua të sjell përvojën time nga Evropa dhe të ndihmoj skuadrën të arrijë sukses''. Sulmuesi shprehu entuziazmin për një kampionat të ri dhe një qytet të bukur, duke theksuar se ndihet i plotë si futbollist dhe i gatshëm për sfidat e reja.