Hidhet granatë dore në oborrin e një shtëpie në Mitrovicë të Jugut, s’ka të lënduar

Në oborrin e një shtëpie në Mitrovicë të Jugut, mbrëmjen e së dielës dyshohet se është hedhur një granatë dore. Sipas policisë, nuk ka të lënduar përveçse dëme materiale, transmeton Klankosova.tv. “Është raportuar  se në oborrin e shtëpisë së ankuesit mashkull kosovar është hedhur një mjet i dyshimtë shpërthyer (dyshohet granatë dore). Përveç dëmeve materiale nuk raportohet për persona të lënduar. Në konsultim me prokurorin është iniciuar rasti dhe mbetet në hetime”, thuhet në raportin 24 orësh të policisë.