Lajmet e fundit
E kjo atmosferë nuk ka se si të mos ndihet edhe në Kosovë, ku Klan Kosova dhe Artmotion sjellin live secilin ballafaqim enkas vetëm për meraklinjtë e futbollit.
Madje, shumë prej tyre po i lënë anash për pak momente angazhimet e tyre për ta parë kombëtaren e tyre të preferuar.
Në mesin e tyre është edhe nënkryetari i Lidhjes Demokratike të Kosovës, Lutfi Haziri.
Ai në një intervistë për Klankosova.tv i ka treguar përshtypjet e tij rreth kampionatit.
Haziri vlerësoi lart paraqitjen e Shqipërisë, duke thënë se dolën me dinjitet nga evropiani.
"Po,e kam përcjellë në pjesen më të madhe përkundër obligimeve politike dhe udhëtimeve në Bruksel, Berlin e Romë.Një kampionat i jashtëzakonshëm, ku skuadrat e "vogla" po tregojnë futboll të mirë, ndërsa ekipet nacionale me super lojtar ende me lojë të taktizuar deri në detajin më të vogël", tha Haziri.
"Shqipëria ashtu siç edhe pritej arriti të ketë një paraqitje të dyte historike. Ekip i mirë, por inferior ndaj ekipeve të mëdha. "Grupi i vdekjes" për fat të keq na ra grupi, dhe dolëm me dinjitet them unë. Qëllimi është mbërritur. Shqiptarët u përfaqësuan me tifozët kësaj here. Pamje e bukur, sjellje e mirë dhe disciplinë. Festë shqiptare në Evropë", theksoi ai.
Numri dy i LDK-së tregoi që bën tifozllëk për Zvicrën, për siç e quajti ai "shtëpinë e dytë" të tij.
"Para, tash dhe në të ardhmen, Zvicrën. Është atdheu im i dytë. Familja Haziri këtë vit i bëjmë 56 vite jetë në Zurich të Zvicrës.Nga dy prindër Emrush e Etem Haziri, ne jemi 56 shtëpi që kemi mbërritur në brezin e katërt aty. Jemi falënderues për shtepinë e ngrohtë dhe mundësitë që i kemi marrë.#Hope Swiss", theksoi Haziri për Klankosova.tv
Luta theksoi se deri më tani e vetmja kombëtare e cila nuk ka bërë gabime është Spanja, por se sërish ai thotë se do të donte që në evropian të triumfonte Zvicra.
"Tani po shihet që Spanja është i vetmi që nuk ka bërë asnjë gabim dhe lëshime deri më tani në ketë garë.Unë do të doja që Zvicra të arrijë majat dhe besojë në këtë gjeneratë të artë helvetike", theksoi Haziri.
Ish-kryetari i komunës së Gjilanit tregoi se cilat lojë i pëlqyen më së shumti.
"Loja më e bukur për mua ka qenë Spanja kundër Kroacisë, dhe Austria kundër Turqisë. Goli më i bukur nga Bellingham, kuptohet", shtoi ai.
Lutfi Haziri, foli edhe rreth futbollistëve shqiptarë që luajnë për Zvicrën, Granit Xhakën dhe Xherdan Shaqirin.
"Shaqa e Xhaka, përfaqësojnë gjeneratën e artë, jo vetëm të futbollistëve të Zvicrës, por gjeneratën e dytë dhe tretë të shqiptarëve që po realizojnë ëndrrat e baballarëve dhe atdheut të tyre", tha në fund të intervistës Haziri.
Aktualisht, kampionati evropian gjendet në fazën çerekfinale, ku tetë ekipe tashmë e kanë siguruar biletën.
Katër përballje shumë interesante do të vijnë për ata që e duan shumë futbollin:
Për ata që nuk kanë mundësi që t'i ndjekin nga afër ndeshjet në stadiume, për t'ua sjellur enkas drejtpërdrejtë në ekranet televizive, është përkujdesuar Klan Kosova dhe Artmotion.
