Lajmet e fundit
Eden Hazard beson se ai po korr përfitimet e të qenit i detyruar të marrë një pushim veror për t'u shëruar nga një lëndim në kyçin e këmbës.
Hazard pësoi një dëmtim në qershor, gjë që nënkuptonte se humbi ndeshjet para-sezonale me Chelsean dhe nuk filloi ndeshjen e tij të parë për klubin deri në shtator, shkruan Albeu.com.
Belgu ka filluar të rikthehet në nivelin e tij më të mirë, duke shënuar dy gola në fitoren 4-0 ndaj West Brom të shtunën duke shënuar pesë gola nga gjashtë paraqitjet e tij të fundit për Blutë.
Hazard tha: "Unë jam në formë të mirë. Që kur u ktheva nga lëndimi, jam ndier mirë. Kur mungon në futboll për dy muaj, thjesht dëshiron të kthehesh në fushë, sidomos kur shikon lojtarët dhe ekipin tëndë që luan.
"Është një gjë e keqe të dëmtohesh, por gjithashtu mendoj se ishte një gjë e mirë për trupin tim të shërohem sepse kam luajtur si profesionist për 10 vjet dhe nuk do të kisha pasur një dëm të madh si kjo. Ishte hera e parë dhe më dha dy muaj kohë shërimi. Tani ndihem mirë, lëndimi është në të kaluarën dhe mund të përqendrohem në të ardhmen. Lojtarët më ndihmojnë shumë në fushë dhe më japin shumë topa. Unë jam vetëm i lumtur me atë që unë, dhe ne, bëjmë", përfundoi mesfushori i Chelseat.
