Hargreaves vizitë në Bruksel, diskuton rreth të ardhmes së Kosovës në NATO (VIDEO)

Ambasadori britanik në Kosovë, Jonathan Hargreaves ka vizituar këtë javë selinë e NATO-s në Bruksel. Atje siç bëri të ditur ai me anë të një njoftimi në Facebook ka folur me aleatët dhe partnerët rreth të ardhmes së Kosovës me Aleancën Veri-Atlantike. “E di sa shumë do të thotë NATO-ja për njerëzit në Kosovë dhe ne si Mbretëri e Bashkuar jemi krenarë që kemi luajtur një rol këtu dhe që konfirmojmë angazhimin tonë ndaj KFOR-it për 3 vitet e tjera”. “Ne do të vazhdojmë të punojmë me miqtë dhe kolegët tanë kosovarë për të siguruar që Kosova të mund të vazhdojë të kontribuojë në sigurinë evropiane”, tha ai, transmeton Klankosova.tv.