Hapet procedura për pastrimin e shtretërve të lumenjve të Kosovës, pritet të kushtojë rreth dy milionë euro

Ministri i Infrastrukturës, Liburn Aliu ka bërë të ditur se janë hapur procedurat e prokuroimit për pastrimin e shtretërve të lumenjve të Kosovës. Sipas Aliut ky projekt do të kushtojë rreth dy milion euro, njofton Klankosova.tv. “Lajm tejet i mirë, që tani janë hapur procedurat e prokurimit për pastrimin e shtretërve të Lumenjve të Kosovës. Rreth dy milionë euro, parashihet që të jetë vlera totale e projektit”, ka shkruar Aliu në Facebook. Lumenjtë që do të pastrohen: Lumi Nerodime - Kaçanik Lumi Toplluha, Velezha - Prizren Lumi Sitnica, Gurishta - Vushtrri Lumi Zhegër, Livoq dhe Përlepnicë - Gjilan Lumi Verbica, Qubrel, Runik - Drenas dhe Skënderaj Lumi Janjeva, Godanci, Sitnice - Lipjan Lumi Kamenica - Novobërd Lumi Ibër - Leposaviq “Bashkë dhe secili prej nesh duhet të jetë rojtar i tokës, ujit dhe vendit ku jetojmë, e lufta ndaj mbetjeve do të vazhdojë për ditë, sigurisht me institucione përgjegjëse, projekte konkrete, por edhe me qytetarë vullnetarë të shumtë që e duan një Kosovë sa më të Pastër!”, thotë Aliu.