Hapet konkursi i dytë rajonal për tregim të shkurtër letrar - Biber

Këtë javë është hapur konkursi i dytë rajonal për tregim të shkurtër - Biber, njofton Klan Kosova. Tema e konkursit është pajtimi në kontekst të trashëgimisë nga lufta dhe dhuna në vendet e ish Jugosllavisë, sidomos në periudhën prej vitit 1991 e deri në vitin 2001. Ftohen të gjithë autorët dhe autoret të cilët shkruajnë në gjuhën shqipe, maqedonase, boshnjake, malazeze, kroate dhe serbe që të dërgojnë tregimet e tyre. Ftesa iu referohet autorëve dhe autoreve të afirmuara, si dhe atyre të cilët nuk kanë botuar kurrë deri më tani. Konkursi është i hapur deri më datë 14. 06. 2017. Autorët/et e tri tregimeve më të mira do të shpërblehen me të holla. Jurinë e përbëjnë Tatjana Gromaça, Faruk Mehiq dhe Kim Mehmeti. Konkursi organizohet nga ekipi Biber në bashkëpunim me Qendrën për Aksion të Padhunshëm Sarajevë-Beograd. Më shumë informata rreth kushteve të konkursit dhe rreth shpërblimeve mund të gjeni në faqen e Biberit http://biber.nenasilje.org