Në Muzeun e Kosovës është hapur ekspozita e titulluar “Veçoritë më të hershme të qytetërimit në Europë”, e autorit Tomor Kastrati, njofton Klan Kosova.
Ajo në vete ngërthen pjesë të koleksionit Neolitik-Eneolitik të papublikuara më parë.
Eksponatet ofrojnë informata për zhvillimet shoqërore ekonomike në periudhën e neolitit dhe eneolitit me kontekst të veçantë të veçorive të qytetërimit të parë evropian.
Vet autori i kësaj ekspozite tha se shpreson se vizitorët do të ndahen të kënaqur me gjithë atë që do të shohin në Muzeun e Kosovë.
Ai shtoi se pret që t`i shpërblehet puna hulumtuese prej 2 dekadave me numër të madh të vizitorëve.
Ekspozitën që do të qëndrojë e hapur për dy muaj e kanë mbështetur financiarisht Ministria e Kulturës, Rinisë dhe Sportit dhe Muzeu i Kosovës, njofton Klan Kosova.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
