Hapet afati, prej sot pranohen aplikimet për dëmet nga vërshimet në Komunën e Mitrovicës

Komuna e Mitrovicës ka njoftuar të gjithë qytetarët se sot është hapur procesi i aplikimit për vlerësimin e dëmeve të shkaktuara nga vërshimet, në ekonomitë familjare dhe në biznese.

Të gjithë qytetarët e prekur mund të paraqesin kërkesën e tyre pranë Zyrës Pritëse (Qendra për Shërbime të Qytetarëve) në këtë komunë dhe afati është i hapur deri më 26 janar, transmeton Klankosova.tv

Në njoftim është bërë e ditur edhe dokumentacioni i nevojshëm për aplikim:

• Formulari i aplikimit (merret në zyrën pritëse të Komunës);


• Të dhënat personale të aplikuesit (emri, mbiemri, numri personal, adresa dhe numri kontaktues);


• Kopje e letërnjoftimit;


• Numri i anëtarëve të familjes;


• Adresa dhe numri i shtëpisë/objektit;


• Fotografi që dëshmojnë gjendjen reale të dëmeve, të realizuara në vendin e dëmtuar;


• Konfirmimi bankar (llogaria bankare në emër të aplikuesit);


• Çdo dokument shtesë që vërteton pronësinë ose dëmin e pësuar. /Klankosova.tv