Hamza: Trepça është e pandalshme

Trepça është shpallur kampione e Kosovës në basketboll. Sonte, në palestrën "Minatori", mitrovicasit e mposhtën Golden Eagle Yllin, pas një ndeshje dramatike. Rezultati final i lojës 67:66. Pas kësaj fitore ka reaguar edhe kryetari i Mitrovicës, Bedri Hamza. Hamza tha se "Trepça është e pandalshme". "Me zemër të madhe, me dashurinë që vlon brenda nesh për klubin, me pasion, me trajnim, me motivim, Mitrovicën e kemi bërë kryeqytet të basketbollit. Me atdhedashuri, me qëndrueshmëri, me punë e përkushtim, Kosovën do ta bëjmë kryeqendër rajonale të sportit", tha Hamza transmeton Klankosova.tv