Lajmet e fundit
Kryetari i Partisë Demokratike të Kosovës, Bedri Hamza ka shprehur ngushëllime për vdekjen e ish-kryeparlamentarit Nexhat Daci, duke thënë se kjo është një humbje e madhe për Kosovën.
Hamza tha se trashëgimia e tij është pjesë e pandashme e themeleve të shtetndërtimit, përcjell Klankosova.tv.
“Lajm i hidhur në ditën e parë të vitit 2026. Ndarja nga jeta e Nexhat Dacit është një humbje e madhe për Kosovën. Ai ishte institucionalist dhe akademik i përkushtuar, që kontribuoi shumë në jetën publike, duke besuar në rendin kushtetues, dialogun institucional dhe dijen si udhërrëfyes të shoqërisë”.
“Trashëgimia e akademik Nexhat Dacit është pjesë e pandashme e themeleve të shtetndërtimit të Kosovës. Ngushëllime të sinqerta familjes Daci, miqve dhe të gjithë bashkëpunëtorëve të tij”, ka shkruar ai.
