Hamza në Drenas: Po ecim drejt një rruge ku mundësitë do të jenë të shumta për të gjithë

Kandidati i PDK-së për kryeministër, Bedri Hamza ka mbajtur tubim në Drenas, ku tha se po ecin drejt një rruge ku sipas tij, mundësitë do të jenë të shumta për të gjithë. Përmes një postimi në Facebook, Hamza tha se është një moment kur nuk e pranojnë këtë gjendje, por sipas tij, duan që ta bëjmë më mirë. “Në Drenasin e dëshmuar. Në Drenasin e bashkuar për Kosovën që mundet ma mirë. Ky është momenti ynë. Një moment kur nuk e pranojmë më këtë gjendje, por duam që ta bëjmë më mirë”. “Një moment ku së bashku me të gjithë qytetarët, pa dallime, po ecim drejt një rruge ku mundësitë do të jenë të shumta për të gjithë. Shpirti fitimtar është kudo tani, sepse Kosova mundet ma mirë”, ka shkruar Hamza.