Lajmet e fundit
Të enjten, familja Jashari pati rast feste, pikërisht në ditën kur shënohej triumfi i dytë i tyre pas ballafaqimit për ruajtjen e pragut të shtëpisë nga forcat paramilitare serbe.
Hamza i ri i Jasharëve, kurorëzoi dashurinë e tij me fejesë, duke ngjallur gëzim e festë në shtëpinë e madhe të tyre, transmeton Klankosova.tv.
Çifti i ri, kishte vendosur që fotot e fejesës t’i realizonin në Kompleksin Memorial në Prekaz, aty ku pushojnë eshtrat e shumë anëtarëve të Jasharëve.
Ndërkohë, Bekim Hamëz Jashari, tha se “Gëzime të tilla në familjen tonë na zgjojnë kujtimin e babës Shaban, Kryekomandantit Ademit dhe Babushit, që betejën për liri e kthyen në dasmë përjetësie. Edhe në mes të betejës tre-ditore, kënga nuk pushoi kurrë”.
