Hamilton nuk ngopet vetëm me Ferrarin, kërkon të punojë me stilistin legjendar

Lewis Hamilton thotë se do të ishte një “privilegj të punonte me” Adrian Newey nëse stilisti i bashkohet Ferrarit pas largimit të tij nga Red Bull. Newey mund të fillojë punën për një ekip tjetër sapo të largohet nga Red Bull në fillim të vitit 2025. Ferrari, të cilit Hamilton i bashkohet sezonin e ardhshëm, janë të prirur për të nënshkruar me të, raporton BBC, transmeton Klankosova.tv. “Nëse do të bëja një listë të njerëzve me të cilët do të doja të punoja, ai do të ishte absolutisht në krye të saj”, është shprehur kampioni i shtatëfisht i Formula 1. "Çdo ekip do të ishte me fat që të kishte mundësinë të punonte me të." Newey, 65 vjeç, konsiderohet si stilisti më i madh në historinë e Formula 1 dhe ka fituar 13 kampionate pilotësh dhe 12 tituj konstruktorësh me Williams, McLaren dhe Red Bull.