Hakan Çalhanoglu para ndeshjes me Kosovën: Kam shumë shokë shqiptarë, i di disa fjalë shqip

Përfaqësues të Kombëtares së Turqisë kanë mbajtur në Prishtinë konferencë për media, një ditë para përballjes me Kosovën në stadiumin “Fadil Vokrri”. Në konferencë janë paraqitur trajneri i Turqisë, Vincenzo Montella dhe ylli i Interit, Hakan Çalhanoglu. Turku, nuk i ndali fjalët e mira për kosovarët duke i quajtur vëllezër. Më pas, ai ka folur edhe për lojtarët e Kosovës, si Vedat Muriqi dhe Mërgim Vojvoda. “Unë e njoh Vedatin e Vojvodën, dhe kam shumë shokë shqiptarë, i di disa fjalë edhe shqip, por nuk mund t’i them këtu në konferencë…”, ka deklaruar ai. Ai ka thënë se nuk e nënvlerëson Kosovën. "Unë kurrë nuk e kam nënvlerësuar asnjë kundërshtar. Kualitetin luan rol, por nesër fiton skuadra që luan më me zemër.", ka thënë Çalhanoglu.