Hajdari: Qeveria është e vendosur ta ndalë tregtinë e paligjshme

Ministrja e Tregtisë, Rozeta Hajdari, ka hapur konferencën vjetore për tërheqjen e investimeve. Aty ajo ka theksuar se Kosova ka shumë përparësi në këtë aspekt duke përmendur me theks efektivitetin e kostos dhe rininë e arsimuar. “Synojmë integrimin ekonomik dhe tregtar me vendet e Bashkimit Evropian. Tregtia po rritet ndër vite. Ka monitorim të tregtisë, ajo po bëhet më e rregulluar dhe pjesëmarrja në tregti po rritet”, është shprehur Hajdari, njofton KlanKosova.tv “Qeveria jonë është e vendosur për ta ndalur tregtinë joformale dhe atë të paligjshme”. Hajdari ka përmendur se Kosova ka potencial të ndërmarrësisë, duke përmendur këtu fushën e teknologjisë së informacionit. “Kemi bërë analiza në shtatë sektorë industrial, ku industria përpunuese është shumë e rëndësishme sepse ndikon në rritjen e prodhimit dhe të punësimit”, ka thënë ajo ndër të tjera.