Hadërgjonaj pas humbjes nga Turqia: Dhemb, por e ardhmja është e ndritshme

Furbollistët e Kombëtares së Kosovës vazhdojnë të reagojnë pas humbjes që e pësuan nga Turqia. Së fundmi, është edhe Florent Hadërgjonaj ai që ka komentuar moskualifikimin e Kosovës në Kupën e Botës. Megjithatë, mbrojtësi i Kosovës i ka falënderuar të gjithë për mbështetjen dhe emocionet e krijuara përgjatë këtij rrugëtimi kualifikues, derisa ka shtuar se e ardhmja është e ndritshme. “Shumë afër historisë… por jo këtë herë. Dhemb, por ne treguam forcën, zemrën dhe identitetin tonë. Nuk e arritëm ëndrrën këtë herë, por dhamë një mesazh të fortë. E ardhmja është e ndritshme. Ky është vetëm fillimi”, ka shkruar Hadergjonaj. /Klankosova.tv