Gruaja nga Anglia thotë se vaksina AstraZeneca e bëri të dukej si ‘Alien’

Vaksina Oxford-AstraZeneca ka qenë e lidhur me rastet e mpiksjes së gjakut, por a mund t’ju ​​bëjë të dukeni si vizitor nga një planet tjetër? Susie Forbes, një banore në Lichfield, Staffordshire në Angli, pretendon se ajo ndihej çuditshëm pasi i shpërtheu një skuqje dhe vuajti nga problemet me lëkurën pas vaksinimit, raporton Triangle Neës, transmeton Klan Kosova. Forbes, 49 vjeç, tha se sëmundjet e lëkurës ndodhën disa orë pasi ajo u vaksinua më 18 mars. “Më dukej sikur isha një ‘Alien’ sepse kishte flluska që më dilnin nga krahu. Ishte e tmerrshme. Fytyra ime ishte e madhe. Unë isha një përbindësh”, tha Forbes për Triangle News. “Vajza ime po më shkruante mesazhe duke më lutur të shkoja në spital. Më shkatërroi dhe shkatërroi vajzën time. Unë do të duhet të jetoj me këtë pasi kam shenja në trupin tim”. Agjencia Rregullative e Barnave dhe Shëndetësisë e Mbretërisë së Bashkua tha se rreth një në 10 njerëz do të ketë efekte anësore nga vaksina antiCOVID, shumica e tyre ka të ngjarë lodhje, dhimbje koke ose simptoma të ngjashme me gripin. Nuk dihet nëse Forbes kishte alergji ndaj përmbajtjes së vaksinës AstraZeneca. Gruaja aktualisht është duke përdorur një numër ilaçesh, transmeton Klan Kosova. Forbes fajësoi mjekët e saj që nuk i morën parasysh kushtet e saj shëndetësore para vaksinimit të saj. Ajo pretendoi se ata thjesht thanë: “Do të jesh mirë”.