Gruaja në Vushtrri rrahet nga një burrë, i lëshohet urdhëri mbrojtës

Është arrestuar një person pasi dyshohet se e ka rrahur një grua, së cilës i është lëshuar urdhëri mbrojtës. Policia ka bërë të ditur se me vendim të prokurorit, i dyshuari është dërguar në mbajtje, përcjell Klankosova.tv. “Është arrestuar i dyshuari kosovar për shkak se pas një mosmarrëveshje dyshohet se ka sulmuar fizikisht viktimën femër kosovare”. “Viktimës pas trajtimit mjekësor i është lëshuar urdhëri mbrojtës, ndërsa i dyshuari pas intervistimit me vendim të prokurorit është dërguar në mbajtje”, thuhet në njoftimin e policisë.