Një grua e sapomartuar, ka ndarë për gjithë publikun, fotografi qesharake të muajit të saj të mjaltit, të cilin e kaloi e vetmuar.
Diçka e tillë ngase bashkëshortit të Huma Mobin, nga Lahore, iu refuzua viza që shënonte udhëtimin e përbashkët të çiftit martesor, njofton Klan Kosova.
Arsalaan Sever Bhatt, burri i zonjës Mobin, planifikoi që të udhëtojnë bashkë në muaj mjalti për në Greqi, për të kaluar kohë me prindërit e tij.
Por fatkeqësisht Bhatt, nuk mundi të përjetojë diçka të tillë me gruan e tij, por që kjo e fundit të bëjë fotografi qesharake për të treguar se burri i mungon tej mase, askush nuk e kishte menduar.
Në një pozicion pak më ndryshe në duar, sikur ta kishte zotrin Bhatt nën përqafim, ajo publikoi secilën fotografi që e kishte bërë në secilin vend që kishte vizituar gjatë ‘’muajit të mjaltit’’ në Greqi, njofton Klan Kosova.
‘’Do doja të ishe këtu’’ është mbishkrimi që ajo dedikoi burrit të saj, duke iu referuar fotografive qesharake të cilat u vërshuan nga klikimet në rrjetet sociale.
Por kjo nuk ishte e gjitha, Huma Mobin, gjatë pushimeve të saja, humbi edhe telefonin e saj, i cili i mungonte shumë poashtu. Ajo veproi ngjajshëm edhe për celularin e humbur, duke u fotografuar me duar bosh që ilustronte mungesën e telefonit sikurse të burrit.
